×

Iklan


Wak Caliak Salayang Urang Maapam

17 Oktober 2021 | 23:09:26 WIB Last Updated 2021-10-17T23:09:26+00:00
    Share
iklan
Wak Caliak Salayang Urang Maapam
MAAPAM – Bantuak ikolah bilo rang padusi Pasaman Barat katiko sadang asik Maapam jo caro tradiosional. (ist)

Simpang Ampek, Khazminang.id - Di jaman now saroman kini ko, dimano arus masakan sarato penganan dari lua sangaik murah masuak ka Sumbar, tapi masyarakaik Kabupaten Pasaman Barat masih batahan jo makanan kampuangnyo, nan dikenal banamo Apam.

Baru-baru ko rang padusi dari babagai kalangan di daerah tu, datang barami-rami untuak mamasak Apam.

Puluhan rang padusi tu indak hanyo datang malenggang doh, inyo malah mausuang tungku-tungku nan tabuek dari batu, kauntuk mamasak Apam.

Saroman nan dikatahui, tungku batu ko memang manjadi alat utamo nan digunoan kauntuak "Maapam" (mamasak apam).

“Memasak Apam, makanan yang terbuat dari tepung beras, yang merupakan tradisi masyarakat Pasaman Barat, dilaksanakan dalam setahun sekali tepatnya saat bulan Rajab. Berbagai canda tawa ibu-ibu dari berbagai kalangan usia pun terlihat saat mengaduk bumbu dan santan kental sebagai bahan dasar membuat apam,” kecek Tek Baidah, salah surang peserta Maapam tu.

Tek Baidah ko baarok apo nan alah dilakukan dek rang padusi, nan rato-rato alah baumua tu, bisa pulo ditiru dek generasi muda jaman now ko.

“Kami berharap apa yang kami lakukan hari ini bisa ditiru oleh generasi muda, agar tradisi ini tidak hilang di tengah kemajuan zaman," kecek Tek Baidah ko baarok.

Sabana meriah suasana katiko tu ! Puluahan tungku kauntuak mamasak Apam tu, dikarumunan dek rang padusi.

Sambia mamasak Apam, rang padusi ko bagalak-galak sambia maaduak bumbu jo santan pakek nan manjadi bahan dasar Apam sabelun dimasak.

Samantang mamasak alah di jaman now, tapi rang padusi tu kasadonyo tatap manggunoan caro-caro tradisonal, mulai dari bahan nan digunoan sampai ka paralatan mamasak, kasadonyo masih tradisional.

Hari tu, kasado rang padusi nan ikuk kegiatan tradisi Maapam tu, sangajo mamiliah ruang tabuka, karano asok nan ditimbuaan dari bahan baka alami, saroman daun karambia kariang, katiko dibaka banyak manimbuakan asok.

“Jika memasak Apam dilakukan di ruangan tetutup, tentu suasana akan menjadi pengap oleh asap. Makanya sengaja dipilih ruangan terbuka, untuk mendapatkan susana yang tetap segar,” kecek Tek Baidah ko manjalehan.

Tek Baidah ko mangecekan, untuak mamasak Apam ko indak sarik bagai doh, pangkanyo asal adoh kamauan. Sabab keceknyo, bahan-bahan nan diparaluan sangaik mudah untuak didapekan.

“Bahan dasar pembuat Apam terbilang sangat mudah didapat, seperti tepung beras yang sudah ditumbuk, santan kelapa, garam, gula, dan sejumlah pemanis alami seperti gula aren. Setelah disiapkan semua bahan diaduk menjadi satu dan berbentuk cairan putih,” kecek Tek Baidah.

Samantaro tu, Ketua Tim Penggerak PKK Pasaman Barat, katiko acara Maapam tu mangecekan, tradisi Maapam ko paralu dilestarikan, tarutamo kauntuak mamupuak kebersamaan di tangah masyarakaik.

Rang rumah Bupati Pasbar ko mangecekan, kagiatan Maapan tu marupoan tradisi nan alah puluahan tahun bakambang di daerah tu.

Keceknyo, katiko mamasak Apam tu, nilai-nilai kebersamaan sangaik jaleh taliek. “Memasak Apam itu asik, penuh canda tawa dan kebahagian. Tradisi ini akan terus lestari jika semua ibu-ibu bisa melanjutkan tradisi ini. Selain itu, ada doa yang tersemat di balik tradisi tersebut,” keceknyo.

Menuruiknyo, tradisi nan alah turun tamurun tu, salain mampaarek jalinan silaturahim masyarakaik, bisa juo untuak maningkekan pasatuan sarato kasatuan. (Febriansyah Fahlevi)