×

Iklan

Ditunjuakan dek : Uni Rona Almos
TEH TALUA BALENGGEK

05 Mar 2021 | 11:28:21 WIB Last Updated 2021-03-05T11:28:21+00:00
    Share
iklan
TEH TALUA BALENGGEK
Teh Talua

Teh talua marupokan minuman khas urang Minang. Bagi wisatawan nan datang ka Sumatera Barat untuak mandapekan minuman ko sangaiklah mudah. Teh talua ko dijua mulai dari lapau-lapau tradisonal sampai ka restauran nan mewah.

Teh talua sangaik banyak mafaatnyo. Selain dikenal sebagai penambah stamina minuman ko bisa juo untuak majago kasehatan mato. Hal iko karano adonyo zat karotenoid yang baguno untuak manjago kasehatan mato. Teh talua manggunakan kuniang talua sabagai bahan utamo dalam minuman ko. kuniang talua manganduang vitamin A, D, E dan vitamin K.

Itu tadi saketek pengantar tentang teh talua. Kini kito akan uraikan baa bana caro mambuek teh talua. Teh talua iolah minuman nan sangaik mudah caro mambueknyo. Salain mudah caro mambuek teh talua, bahan nan digunokan pun indaklah banyak. Apo bana bahan nan kito pagunoan untuak mambuek teh talua?

Ikonyo bahan-bahan nan diparaluan. Patamo ado talua. Talua nan digunokan disiko adolah talua kampuang. Nan kaduo ado gulo sabanyak duo sendok makan. Sudah tu bahan nan ka tigo susu kental manih. Panile sarato kulik manih sacukuiknyo. Teh agak saganggam dan aia untuak paabuih teh. Terakhir ado asam.

Itu tadi bahan-bahan nan kito gunokan untuak mambuek teh talua. Kini kito masuka ka caro mambueknyo. Langka patamo nan arus dikarajoan adolah abuih teh tadi jo aia barasiah. Sudah tu langkah nan kaduo pisahkan kuniang talua dari putiahnyo. Tambahan gulo jo panile dan indak lupo kulik manih tadi. Salanjuiknyo kocok talua tu sampai kambang, sampai mangaluaan busa. Talua ko dikocok pakai sendok teh atau lidi dikebek.

Bagia dunsanak nan maleh bisa manggunokan mixer. Manggunokan micer tantu labiah capek kambangnyo dibandiangan dikocok pakai sendok atau lidi. Kalau talua ko alah babusa, kito masuakan aia teh nan dimasak tadi. Jan lupo mamasukannyo disariang yo dunsanak. Sudah tuditambahan susu kental manis saketek.

Teh talua nan dalam galeh ko diidangkan di ateh tadah. Selain ado galeh nan barisi teh talua dalam tadah ko dilatakna juo asam agak sairih. Iko nan mambuek raso teh tatalua manjadi labiah lamak.

Itu tadi caro mambuek teh talua. Sangaik mudahkan dunsanak sadonyo? Salamaik macubo di rumah surang-surang.