|
| Duo urang pandeka sadang basilek sadang bakaupeh |
PADANG, Khazminang--Di Ranah Minang hampia indak pernah tasuo urang nan indak tau jo silek doh. Karano silek ko di zaman saisuak manjadi modal kauntuak rang laki-laki turun ka “galanggang” atau manjadi modal utamo manampuah rantau.
Samantang baitu, dari bamacam ragam silek nan ado, saroman Silek Harimau, Silek Pauah, Silek Lanyah sarato lainnyo indak banyak urang nan tau baso adoh tingkatan silek labiah tinggi, nan indak banyak manggunaoan tanago barupo tanago pisik.
Kecek salah seorang budayawan nan mamahami bana tantang ilimu silek di Minangkabau, Alwi Karmena, tingkatan silek nan paliang tinggi di Minang ko adolah Ulua Ambek atau acok juo disabui Halwa Ambiya atau patantangan ruh.
Tapi kecek liau ko, nan banyak diketahui dek urang adolah silek tuo. “Di silek tuo, sebuah aliran silat yang tarafnya agak tinggi, pertarungan melawan keras tidaklah harus dilawan dengan keras. Tapi basilunak, yang bahasa inggrisnya softly, dengan memanfaatkan tenaga lawan. Sekeras apapun serangan, dielakkan dengan lunak. Namun silek tuo masih di bawah Ulua Ambek. Gerakan lembutnya hampir sama, tapi di Ulua Ambek ada dampeang penuntun pertarungan si pesilat,” kato angku Alwi ko manjalehan.
Dampeang ko kecek liau, barisi seni tutur nan keampuhannyo hampia samo jo capak-capak baruak alias mantra.
“Jenis silat ini tidak beradu tenaga pisik. Dalam Ulua Ambek tidak ada kekerasan terlihat. Kedua petarung masing-masing tidak menerjang atau memelintir lawan. Tapi berjarak. Pandangan seakan menerawang, tidak tertuju pada lawan. Petarung Ulua Ambek tidak saling bersentuhan. Gerakannya amatlah cantik, seperti orang menari atau slow motioan,” kecek angku Alwi Karmena ko duo hari nan lampau.
Dicaritoan dek liau, gerakan silek Ulua Ambek tu indak mengancam lawan bagai doh. Pandeka sileknyo hanyo manjangkau sarato menjamba angin, persis saroman maikuti galombang imaji nan sakral.
“Tapi ada hal amat berperan dalam Ulua Ambek. Tampaknya itu yang dominan menuntun gerak sakral pesilat. Hal itu bernama dampeang, semacam dendang yang mirip mantra berirama gaib atau sakral. Dampeang itu mendendangkan tuntunan kepada gerak (tarian) pesilat. Perlahan, namun tak jarang menegakkan bulu roma orang yang mendengar,” kecek liau ko.
Ondeh...., baa kok sampai tagak pulo bulu ramang urang dek nyo. Kiro-kiro apo isi dendang dampeang tu ?
Manuruik Tuo Silek di Laga Laga Kapalo Hilalang, tampek Alwi Karmena ko baraja silek Ulua Ambek, makna nan didendangkan tukang dampeang adolah tuntunan alua sarato patuik. “Si pesilat bergerak oleh tuntunan tersebut,” kecek angku Alwi ko manjalehan.
Tapi kini, kecek liau ko manyasali, karano silek Ulua Ambek ko indak adoh generasi nan kamanaruihan, akibaiknyo persis bak cando karakok di ateh batu, iduik sagan mati pun indak pulo. (Febriansyah Fahlevi)
