|
| Tan Ambo |
Katiko Lah Lanjuik Umua
Oleh : Tan Ambo
Kulik lah mulai kandua
Mato lah mulai kabua
Pandangaran ilang-ilang timbua
Uban lah batabua
Gigi lah ngungua
Garaman lah tingga tunggua
Makan hanyo nan bisa dilulua
Nan lunak sarupo bubua
Sasakali abuih talua
Tulang lah taraso layua
Kalau bajalan ka sumua
Takuik raso ka tasungkua
Tapaso bapacik ka bandua
Lidah acok tajulua
Kalau basin bacampua kuhua
Sampai mailia aie liua
Bacampua salemo bantuak cindua
Kecek kalua indak taratua
Tadanga e indak batua
Karano iduang bangua
Mangecek bunyi urang kumua-kumua
Pado duduak acok tidua
Pado dikursi acok di kasua
Duduak dikursi raso dek bisua
Ambeiyen raso katasumbua
Pagi hari dibawo bajamua
Baju dibukak pusek tabudua
Basawa pendek tali e kandua
Sawa raso ka taluncua
Matoari lah condong katimua
Ibaraik shalat lah lewek luhua
Basiaplah baansua-ansua
Tando-tando lah dakek ka kubua Siapkan amal ka dipanggua
