×

Iklan

CARITO MINANG
Mantari Kacau

02 Apr 2021 | 09:42:47 WIB Last Updated 2021-04-02T09:42:47+00:00
    Share
iklan
Mantari Kacau

Indak jaleh bana apo sajarahnyo mako ka inyo lakek panggilan namo Mantari Kacaw. Padohal, inyo pegawai indak, karajo tatap indak, urang politik indak, sikolah sayuik, pangkek atau  jabatan apo lai.

Mantari ko nan tapek namonyo si Kacaw sajo, sabab  urang nan jalan iduiknyo sabana kacau.

Manggaleh, jan ka balabo, pulang pokok indak, rugi nan lai. Batukang, barang nan luruih manjadi tempang  dek inyo nan maukua. Salah se kasadonyo. Tarakir ko inyo bausaho jadi tukang ubek. Manggaleh ubek dari pakan ka pakan. Ubek uruik, ubek panau, ubek kada, kurok jo ubek gigi.

    Iko lai agak dakek Jo galanyo nan Mantari tu.

    Banyak juo dapek pitih.  Naiak daunnyo saketek. Bahkan ado urang nan maimbau namonyo dotor. Kato Kacau batuka jo Dotor. Kadang ado juo nan salah manyabuik, Mantari Kotor...

    Mantari Dotor. Yo takah tadanga.

    Urang-urang nan talingonyo pakak sabalah picayo ka inyo. Mantari Dotor ko. Di kampung kampuang tapancia inyo indak malu mangaku Dotor doh.

    Dotor Kurok, Dotor panau, Dotor Gigi. Ubeknyo vitamin-vitamin, apo nan murah didapek sajo.

    Dek panau urang, itu juo ubeknyo. Indak amuah lalok, indak amuah buang ayia, itu juo ubeknyo. Anehnyo, ciek-ciek ado juo nan cegak.

    (Bisuak disambung)