|
| Salo-salo antaro jari tunjuk jo ampu jari nan mambantuak huruf 'V' |
Gigi mandanyuik-danyuik, paruik lapa, samantaro nan gigi ko indak manenggang pulo, raso ka rangkah muncuang ko dek nyo. Samantaro urang dakek awak lamak balagu sarato bagadang hati. Ondeh.... namuah rasonyo ka maimpoknyo jo batu.
Ops.... saba dulu kawan ! Dek Uda Fahlevi soal sakik gigi tu masalah geleang tu nyo ! Kalau dunsanak indak adoh wakatu untuak batamu jo Uda Fahlevi tu, cubo sajo maubek surang di rumah. Indak pakai capak-capak baruak bagai doh !
Katiko gigi sanak tu mandanyuik-danyuik, capek-capek ambiak batu es agak sagadang ampu jari, gadang dari tu indak baa juo doh !
Sudah tu gosok-gosokan batu es tu di salo-salo antaro jari tunjuk jo ampu jari nan mambantuak huruf 'V' agak limo sampai sapuluah minik.
Ingek ! Tangan nan ka digosok jo batu es itu adolah sajalan jo tampek gigi nan sakik, misalnyo nan sakik gigi sabalah kida, mako nan ka digosok adolah tangan sabalah kida pulo.
Lai ilang kolah sakik gigi sanak tu ? Cubo sajo lah dulu, kok dikecekan pasti hilang, Uda Fahlevi takuik mandahului Tuhan. Nan pasti manuruik ilmu kasehatan batu es bisa mangirimkan sinyal dingin nan efeknyo dapek mangaduah raso sakik nan sadang sanak alami.
