×

Iklan


Maancam, Gaek Baumua 77 Tahun Dimasuakan ka Panjaro

25 November 2021 | 21:40:13 WIB Last Updated 2021-11-25T21:40:13+00:00
    Share
iklan
Maancam, Gaek Baumua 77 Tahun Dimasuakan ka Panjaro
ICAK-ICAK – Iko hanyo foto icak-icak sajonyo, sabab agak manangai pulo bilo berita ko indak didukuang jo foto.

Pasisia Salatan, Khazminang.id—Sabur Bin Mak Asai anak rang Padang Panjang II Kenagarian Kambang Utara, Pasisia Salatan alah sangaik tuo. Kalau dipatuik jo angko, kini umua liau tu alah masuak bilangan 77 tahun.

Tibo di oto, tantu kondisi barang ko alah mulai geroh. Bilo disamokan jo urang gaek, tantu tagak ko alah mulai guyah karano saluruah pasandian lah mulai leno pulo.

Tapi dalam kondisi lah mulai geroh tu pak gaek nan kabanyo mantan pajuang PRRI ko malah dimasuakan ka kandang situmbin alias panjaro dek pihak Kejaksaan Negeri (Kejari) Painan, Pasisia Salatan.

Apo kolah pakaro nan manimpo gaek ko ? Tanyato liau ko “dikaruangan” dek gara-gara bakareh angok alias maancam dunsanaknyo dalam mampatahankan tanah pusako tinggi punyo liau dari keturunan Niari Suku Chaniago di bawah payuang ranji Dtk Malintang Bumi, Padang Panjang II Kenagarian Kambang Utara.

Kabanyo darah mudo liau ko mandiadiah karano maraso dibaok lalu se dek dunsanak sarato kamanakannyo. Inyo maraso indak pernah dilibaikan sabagai mamak atau laki-laki tatuo di dalam kaumnyo.

Kato Agusra Yulda, SH sarato Doven Irawan, SH salaku panasihaik liau, kini kliennyo tu marupoan tersangka berdasarkan Laporan Polisi Nomor :  LP/55/B/X/2020/Sek-Lg, tanggal  07 Oktober 2020. Dalam pakaro dugaan tindak pidana pengancaman saroman nan dimakasuik dek Pasal 335 Ayat (1) KUHP.

“Kasus yang dialami klien saya ini bermula dari tanah pusaka tinggi milik kakek Sabur, yang hendak dimanfaatkan oleh saudara dan kemenakannya yang tidak melibatkan dirinya sebagai mamak ataupun lelaki tertua di dalam kaumnya,” kecek angku pengacara ko, Rabu (26/11).

Kecek angku pengacara ko mancaritoan, katiko dipareso dek polisi hinggo ditatapkan sabagai tersangka dek penyidik di Polres Pasia Salatan, kliennyo lai indak dimasukan ka kandang situmbin doh karano patimbangan kemanusiaan, sabab kliennyo alah uzur dek baumua 77 tahun sarato lah mangalami panurunan kasehatan, baik sacaro pisik maupun psikisnyo.

Tapi kecek Aguih manambahan, katiko penyidikan alah salasai di Polres Pasiia Salatan sarato berkas pakaro dinyatokan alah langkok pulo, apak gaek banamo Sabur tu mulai diserahkan ka Kejaksaan Negeri (Kejari) Painan, Pasisia Selatan (Tahap II), gaek tu malah dimasuakan ka kandang situmbin.

“Tahap II tersebut dilakukan pada Kamis, 18 November 2021. Pada hari itu kami selaku kuasa hukum kakek Sabur kembali mengajukan permohonan agar klien kami tidak dilakukan penahanan dengan melampirkan surat kuasa, surat pernyataan dari klien kami, surat pernyataan penjamin, kartu berobat pada RS. Jiwa Prof. HB. Saanin Padang, surat-surat  keterangan sakit, dan surat hasil pemeriksaan psikolog pada RS. Jiwa Prof. HB. Saanin Padang. Namun, amat disayangkan, surat permohonan tersebut berikut lampiran-lampiran yang diajukan kepada Kejaksaaan Negeri Pesisir Selatan ditolak atau diabaikan begitu saja,” kecek angku pengacara ko manjalehan.  
 
Mancaliak kanyataan tu, tantu sajo si Aguih sarato Doven Irawan mengaku kecewa sarato prihatin, apolai katiko maliek langsuang kandang situmbin tu sangaik jauah dari standar rumah tahanan, apolai kauntuak urang gaek saroman klienyo, saroman nan diamanaikan Pasal 8 Permenkumham Nomor 32 Tahun 2018.

Mancaliak kanyataan tu, Agusra Yulda maanggap Kejakasaan Negeri Pesisia Salatan alah mabaikan sarato malangga amanat Pasal 28 D ayat (1) dan Pasal 28 ayat (5) Undang-Undang Dasar 1945, Pasal 75 Undang-Undang Nomor 39 tahun 1999 tentang Hak Asasi  Manusia, Pasal 8 Permenkumham Nomor  32 Tahun 2018 dan Pasal 31 ayat (1) KUHAP. Sahinggo alah mabaikan Hak Asasi Manusia kakek Sabur nan alah uzur, tua renta, bahkan lah sakik-sakik, baiak sacaro pisik sarato psikis (sesuai hasil pemeriksaan Arka Trans Psikolog pada RS. Jiwa Prof. HB. Saanin Padang).

Karano itulah inyo sabagai kuasa hukum bamohon supayo Kejaksaan Agung Republik Indonesia malalui Surek Pamohonan Palinduangan Hukum nan alah dikirim hari Selasa, 23 November 2021, untuak maevaluasi baliak pamohonannyo tu, supaya indak dilakukan panahanan ka klienyo, sarato menindak oknum-oknum Kejaksaan nan dinilai indak punyo  kepekaan sarato mangabaikan Korps Adhyaksa.

Katiko kajadian tu dikonfirmasi ka Kapalo Kejari Painan, Pasisia Salatan, Dona Rumiris Sitorus malalui Kasi Pidum Saparman, Kamih (26/11), liau ko mangecekan baso pihak Kejari Painan tantu indak gegabah dalam maambiak keputusan manahan urang tuo nan alah baumua lanjuik tu.

“Intinya, perkara yang sampai ke kita itu atas perkara pengancaman. Terkait dilakukan penahan, kita kembali saja pada KUHAP, yaitu subjektif penyidik, penuntut umum atau hakim itu ada. Disamping syarat objektif tentu syarat subjektif tentu ada pula. Ketika keyakinan itu tidak muncul atau tidak timbul bagi penyidik, penuntut umum atau hakim, ya tidak mesti permohonan orang kita terima,” kecek angku Saparman ko.

Takaik jo apo nan alah diajukan dek penasihaik hukum rang gaek banamo Sabur tu, kecek liau ko manambahan, pihak Kejari maraso baso ado bara macam surek atau kelengkapan nan indak bisa dipanuahi dek nan basangkutan.

“Karena ada beberapa macam surat atau kelengkapan yang tidak bisa dipanuahi oleh yang bersangkutan, sehingga bisa meyakinkan penuntut umum untuk tidak menahan terdakwa kita,” kecek angku Saparman ko manjalehan. (Febriansyah Fahlevi)