×

Iklan


Fauzi Bahar Agak Taibo Aturan Bakaruduang Diribuikan

28 Januari 2021 | 19:11:52 WIB Last Updated 2021-01-28T19:11:52+00:00
    Share
iklan
Fauzi Bahar Agak Taibo Aturan Bakaruduang Diribuikan
Fauzi Bahar

PADANG, Khazminang.id— Fauzi Bahar nan pernah manjadi angku wali di Kota Padang duo periode, agak taibo hatinyo mandanga kaba aturan di sikolah nagari kauntuak anak padusi mamakai karuduang nan dikaluannyo, kini malah dipatatangan. Padohal kecek liau ko, kabijakan nan dikaluaannyo malalui Instruksi Walikota Padang No 451.442/BINSOS-iii/2005 tu alah balangsuang samanjak tahun 2005 silam.

Kecek liau ko manjalehan, aturan nan dibueknyo tu justru kauntuak malinduangi anak-anak padusi di Kota Padang ko.

Jolongnyo kecek Fazi Bahar manjalehan, aturan nan liau buek tu hanyo berupa imbauan. Tapi dek karanao manfaatnyo labiah banyak dari mudaraik, salanjuiknyo imbauan tu barubah manjadi Instruksi Walikota Padang.

    Jolongnyo kecek liau ko, kebijakan nan inyo ambiak tu untuak mambaliakan budayo Minang cando samulo, karano rang padusi saisuak di Minang ko pakai karuduang.

    "Jauh sebelum republik ini ada, gadis Minang dulunya sudah berbaju kurung. Kita mengembalikan adat Minang berbaju kurung. Pasangan baju kurung adalah selendang. Agar tak diterbangkan angin, ada kain yang dililitkan ke leher, itulah yang namanya jilbab," kecek Fauzi Bahar manjalehan.

    Salain tu kecek liau ko, aturan anak padusi di sikolah nagari tu sakaligus untuak malinduanginyo dari tindakan kriminal, karano ureknyo nan mamaciang napasu rang laki-laki alah tatutik

    “Selain itu, penggunaan jilbab oleh siswi di sekolah ditujukan untuk mengurangi terlihatnya perbedaan kelas ekonomi antarmurid. Hasil yang kita dapatkan adalah memperdangkal jurang antara si kaya dan si miskin. Tidak semua ayah mampu membelikan anting emas untuk anak gadisnya, kalung emas. Ketika mereka berkerudung semua tertutup, tidak kelihatan lagi jurang si kaya dan si miskin," kecek Fauzi Bahar manjalehan.

    Sasudah tu kecek liau ko, sasudah dikaji-kaji bana tanyato kabijakan bakaruduang untuak anak sikola padusi tu bapangaruah ka penurunan angko kasus damam badarah atau DBD, karano indak adoh tampek dek rangik untuak manggigik.

    "Setelah siswi menggunakan jilbab itu, angka anak-anak kena DBD menurun drastis karena tidak ada tempat bagi nyamuk menggigit. Ketika dia tidak berkerudung, kakinya digigit nyamuk, pahanya, lengannya, lehernya. Ketika semuanya tertutup, nggak ada tempat nyamuk gigit," kecek bakeh angku wali Padang ko.

    Jadi kecek Fauzi Bahar manjalehan, samanjak Instruksi Walikota Padang No 451.442/BINSOS-iii/2005 tu kalua, kabjikan bakaruduang tu lah umpamo manjadi aturan sikolah di Kota Padang ko, mulai dari SD, SMP sampai ka tingkek SMA sarato sikola sadarajaik. Aratinyo, kalau nan manantang tu alah lamo tingga di Kota Padang, tantu inyo tau tantang aturan sikola tu.

    Saroman nan samo kito katahui, aturan takaik anak padusi wajib mamakai karuduang tu caruah sasudah video urang tuo murik SMK Nageri 2 Padang viral di media sosial (medsos) alun lamo ko.

    Sasudah video tu viral, kajadian tu samakin manjadi caruah, karano ampia kasado urang manyalahan pihak sikola SMK Nageri 2 Padang, tamasuak Ketua Umum Pengurus Besar Persatuan Guru Republik Indonesia (PB PGRI), Unifah Rosyidi sato manyalahan.

    “Guru tidak boleh memaksakan kehendak siswa dan orang lain, sebagaimana yang terjadi di SMKN 2 Padang. Guru harus menunjukkan sikap unitaristik dan menjadi teladan dalam penumbuhan sikap asih, asah, dan asuh," kecek liau tu.

    Samanjak kajadian tu, kini sebagian anak padusi non-Muslim di SMK Nageri 2 Padang,  lah mulai indak bakaruduang lai doh katiko pai sikola. Anak-anak padusi tu malah maraso ado nan tagak ka inyo, apo lai lah kalua pulo instruksi dari Manteri Pandidikan dan Kabudayaan baso indak buliah ado pemaksaan mamakai jilbab, terutama bagi siswa non-Muslim.

    Samantaro tu kapalo SMKN Nagari 2 Padang, Rusmadi, mangecekan baso inyo basedio manarimo sanksi bilo apo nan balaku disikolanyo tu dipandang sabagai sabuah palanggaran. Samantang baitu keceknyo manambahkan, sabalunyo adoh rancaknyo Kemendikbud maninjau pasoalan nan tajadi langsung ke lapangan untuak mancari tau fakta nan tajadi sabananyo, sarato manalusuri sajarah anak padusi pakai karuduang di sikolah nagari di Kota Padang. (Febriansyah Fahlevi)