×

Iklan


Cepak Cepong Makan Lamak jo Gulai Banak

17 Oktober 2020 | 12:54:19 WIB Last Updated 2020-10-17T12:54:19+00:00
    Share
iklan
Cepak Cepong Makan Lamak jo Gulai Banak

Kauntuak dunsanak nan taragak cepak cepong makan lamak jo gulai banak, capek-capek selah lapehan “selero buruak” tu, kok indak baitu manjalejeh aia liua tu beko (hehehehehe).

Jaan anggau pulo sanak bilo indak pandai-pandai amek mamasaknyo doh, sabab kito di dapua redaksi Khazminang basadio manunjuak ajari.

Nan jaleh gulai banak ko marupoan masakan rang awak bakuah santan. Bahan utamonyo indak pulo sarik-sarik amek doh, tapi tantu nan paliang utamo bana banak jawi harus adoh, nan alah dicancang ngenek-ngenek.

     

    Resep kauntuak gulai banak :

    utak jawi 400 gram, diambuih

    daun tapak leman atau mangkoan 10 halai

    sarai agak sabatang, tapi caia-caian talabiah dulu (ditokok)

    daun kunyik agak sahalai

    asam kandih 2 incek

    daun limau puruik agak 2 halai

    santan 750 ml

    garam agak sasendok

     

    Resep bumbu haluih gulai banak :

    Lado bulek atau cabe merah keriting 10 incek

    bawang merah 10 incek (siung)

    kunyik 3 cm

    supadeh 2 cm

    langkueh 2 cm

    garam sasendok teh

     

    Cara membuek gulai banak :

    Daun tapak leman diracik aluih-aluih, sudah tu rameh jo sasendok makan garam.

    Anok-an agak 10 menik, sudah tu cuci berasiah-rasiah, sariang sirah tu.

    Campuaan santan sarato bumbu haluih, daun limau, asam kandih, sarati sarai dimasak hinggo mendidiah sambia sakali sakali-sekali diaduak juo.

    Masukkan utak jawi, masak hinggo bumbu tu maresap.

    Nan tarakhir masuakkan daun tapak leman hinggo agak layua, aduak sabanta se, angkek sudah tu lai.

                    Saumpamo lah mulai gulai banak tu agak dingin saangin, makanlah basamo anak bini lai. Jan gulai sadang barasok tu basosoh sajo ndak, malatua bibia tu beko !